கமல் ஹாசன் தொகுத்து வழங்கிய பிக் பாஸ் தமிழ் சீசன் 3ம் வெற்றிகரமாக முடிந்தது. கடந்த ஞாயிற்றுக்கிழமை நடந்த இந்நிகழ்ச்சியின் இறுதிப் போட்டியில், முகென் வின்னராக வர, சாண்டி ரன்னரானார். இந்நிகழ்ச்சி காமெடியாக சென்றதற்கு காரணமே சாண்டிதான். அதோடு, அவர்தான் ஹீரோவாகவும் பார்க்கப்பட்டுள்ளார்.
இந்த நிலையில், பிக் பாஸ் 3 நிகழ்ச்சியின் போட்டியாளர்கள் பலரும், பலவிதமாக தங்களது பிக் பாஸ் பயணத்தை கொண்டாடி வருகின்றனர். தர்ஷன், சாண்டியை சந்தித்த சிம்பு அவர்களுக்கு புத்தகம் ஒன்றை பரிசாக வழங்கினார். சாண்டியின் ஸ்டூடியோவிற்கு சென்ற லோஸ்லியா, நடன கலைஞர்களுடன் இணைந்து டான்ஸ் ஆடியுள்ளார்.
இதே போன்று, ஷெரின், சாக்ஷி ஆகியோர் சேரன் வீட்டிற்கு சென்று வந்துள்ளனர். கவின், தர்ஷன் ஆகியோர் சாண்டி வீட்டிற்கு சென்று விருந்து சாப்பிட்டுள்ளனர். இந்த நிலையில், தற்போது சாண்டி தனது மனைவி, மகள் மற்றும் மனைவியின் சகோதரி ஆகியோருடன் சென்று கமல் ஹாசனை சந்தித்து பேசியுள்ளார். அப்போது எடுத்த புகைப்படத்தை தனது இஸ்டாகிராம் பக்கத்தில் பதிவிட்டுள்ளார் என்பது குறிப்பிடத்தக்கது.இதற்கிடையில், பிக் பாஸ் 3 டைட்டில் வின்னர் முகென் ராவ் மலேசியாவிற்கு சென்றுள்ளார். அங்கு அவருக்கு உற்சாக வரவேற்பு அளிக்கப்பட்டுள்ளது.
No comments:
Post a Comment