காஜல் அகர்வாலின் 35வது பிறந்தநாள் பிரபலங்கள், ரசிகர்கள் வாழ்த்து.............

தென்னிந்திய சினிமாவில் முன்னணி நடிகைகளில் ஒருவர் காஜல் அகர்வால். தமிழ் மற்றும் தெலுங்கு சினிமாவில் பல டாப் ஹீரோக்களுக்கு ஜோடியாக தொடர்ந்து நடித்து வருகிறார். அவரது அழகிய தோற்றம் மற்றும் சிறப்பான நடிப்பு ரசிகர்களை இத்தனை வருடங்களாக கவர்ந்து வருகின்றது என்பது அனைவருக்கும் தெரிந்தது தான்.

இன்று காஜல் அகர்வாலின் 35வது பிறந்த நாள் என்பதால் அவருக்கு ரசிகர்கள் மற்றும் பிரபலங்கள் வாழ்த்து தெரிவித்து வருகின்றனர். சமூக வலைத்தளங்களில் அதிகளவு வாழ்த்துக்கள் குவிந்து வருகிறது. காஜல் அகர்வால் தற்போது நடித்து வரும் Mosagallu என்ற படத்தின் போஸ்டர் ஒன்றும் பிறந்தநாள் ஸ்பெஷலாக வெளிவந்துள்ளது.

விஷ்ணு மஞ்சு ஹீரோவாக நடிக்கும் அந்த படம் உலகின் மிகப்பெரிய ஐடி மோசடி கதையை மையமாக கொண்டு எடுக்கப்பட்டு வருகிறது. இந்த படத்தில் அர்ஜுன் என்ற ரோலில் விஷ்ணு மஞ்சுவும், அணு என்ற ரோலில் காஜல் அகர்வாலும் நடிக்கின்றனர். இதுவும் தற்போது வெளிவந்துள்ள புதிய போஸ்டரில் குறிப்பிடப்பட்டு உள்ளது.

தெலுங்கில் 2007இல் உருவான லட்சுமி கல்யாணம் என்ற படத்தின் மூலமாக ஹீரோயினாக அறிமுகமானவர் காஜல் அகர்வால் அதனைத் தொடர்ந்து சந்தமாமா உள்ளிட்ட சில படங்களில் நடித்தார்

அதனைத் தொடர்ந்து 2008இல் பேரரசு இயக்கிய பழனி என்ற படம் மூலமாக தமிழ் சினிமாவில் காலடி எடுத்து வைத்தார் காஜல். அதனைத் தொடர்ந்து 2009ல் வெளிவந்த மகதீரா படம் பெரிய அளவில் அவரை பாப்புலர் ஆக்கியது. எஸ்எஸ் ராஜமௌலி இயக்கியிருந்த அந்த படம் தெலுங்கு மட்டுமின்றி தமிழ் சினிமா ரசிகர்களிடம் நல்ல வரவேற்பை பெற்றது.

அதற்கு பிறகு தமிழ் மற்றும் தெலுங்கில் பல டாப் ஹீரோக்களுக்கு ஜோடியாக நடிக்க ஆரம்பித்தார் காஜல் அகர்வால். 2012இல் மகேஷ்பாபு ஜோடியாக பிஸ்னஸ் மேன், சூர்யா ஜோடியாக மாற்றான், விஜய் ஜோடியாக துப்பாக்கி படம் என நடித்து அவர் ஒரே வருடத்தில் தென்னிந்திய சினிமாவில் டாப் ஹீரோயின் ஆனார்

அதற்குப் பிறகு ஜில்லா, மாரி, பாயும்புலி, விவேகம், மெர்சல் என தமிழ் சினிமாவின் தொடர்ந்து முன்னணி நடிகர்கள் உடன் கூட்டணி சேர்ந்து வருகிறார் காஜல் அகர்வால்.தற்போது அவர் கைவசம் இந்தியன்-2, ஹே சினாமிகா ஆகிய இரண்டு தமிழ் படங்கள் உள்ளன. ஷங்கர் இயக்கி வரும் இந்தியன் 2 படத்தில் ஒரு முக்கிய ரோலில் நடிக்கிறார் அவர். காஜல் வயதான தோற்றத்தில் இந்த படத்தில் நடிப்பதாக கூறப்பட்டு வருகிறது. ஆனால் அவரது கதாபாத்திரம் பற்றிய உறுதியான தகவல்கள்/புகைப்படங்கள் எதுவும் இன்னும் வெளிவரவில்லை.

இன்று காஜல் அகர்வாலின் 35வது பிறந்தநாளை முன்னிட்டு அவருக்கு சமூக வலைத்தளங்களில் வாழ்த்துக்கள் குவிந்து வருகிறது. பிரபலங்கள் மற்றும் அவரது ரசிகர்கள் பதிவிட்டுள்ள சில ட்விட்களின் தொகுப்பு இதோ..