ரூ1க்கு 1 கிலோ மீன் விற்பனை...! எங்கு தெரியுமா?

சிவகங்கையில் 1 கிலோ மீன் ரூ1க்கு விற்பனை செய்யப்பட்டது. கடையில் திறப்பு விழா சலுகையாக முதலில் வரும் 100 வாடிக்கையாளர்களுக்கு மட்டுமே இந்த சலுகை வழங்கப்பட்டது.

பெரிய பெரிய கடைகளில் வாடிக்கையாளர்களைக் கவர அவ்வப்போது இலவசங்கள் தள்ளுபடிகள் அறிவிக்கப்படுவது உண்டு. இந்த சமயங்களில் அந்த பொருட்களைக் குறைந்த விலையில் வாங்க மக்கள் கூட்டம் அதிகமாகக் காணப்படும்.இப்படியாக இலவசங்கள், குறைந்த விலை ஆஃபர்கள் பெரும்பாலும் இருக்கும் ஸ்டாக்குகளை கழிக்கவோ அல்லது புது வாடிக்கையாளர்களைக் கவரவோ இருக்கும் இந்த மாதிரியான ஆஃபர்கள் எல்லாம் சூப்பர்மார்கெட்கள் மாதிரியான கடைகளில் செய்யப்பட்டு வந்த நிலையில்

தற்போது சிவகங்கை மாவட்டத்தில் உள்ள ஒரு கடையில் நூதனமான முறையில் ஒரு இலவச ஆஃபர அளிக்கப்பட்டுள்ளது. இது பலரைக் கவர்ந்துள்ளது.

சிவகங்கை மாவட்டம் காரைக்குடியில் உள்ள பர்மா காலணியில் புதிதாகத் திறக்கப்பட்ட மீன்கடை திறப்பு விழாவை முன்னிட்டு நேற்று முதலில் மீன் வாங்கும் முதல் 100 நபர்களுக்கு மீன் கிலோ ரூ1க்கு விற்பனை செய்யப்படும் என்றும், அடுத்த 100 பேருக்கு இலவசமாக டிபன் பாக்ஸ் வழங்கப்படும் என்று அறிவிக்கப்பட்டது.

இந்த விளம்பரம் அப்பகுதியில் மிகப்பெரிய அளவில் வைரலானது. பலர் இந்த கடையில் மீன் வாங்க ஆர்வம் காட்டினர். அசைவ பிரியர்கள் காலை 6 மணிக்கே கடையின் வாசலுக்கு வந்து வரிசையில் நிற்கத் துவங்கினர்.

ரூ1க்கு 1 கிலோ மீன் என்றதும் பக்கத்து ஊர் மக்கள் கூட இந்த கடையைத் தேடி வரத்துவங்கினர். இந்த கடையில் நேற்று பெரும் கூட்டம் கூடியதால் அப்பகுதியில் போக்குவரத்து நெரிசலே ஏற்பட்டது. ரூ1க்கு 1 கிலோ மீன் விற்பனை செய்யப்பட்ட செய்தி வைரலாக பரவியது.