கிளிநொச்சி - தர்மபுரம் பொலிஸ் பிரிவிற்கு உட்பட்ட கல்லாற்று கிராமத்தில் மூன்று வீடுகளில் கொள்ளைச்சம்பவங்கள் இடம்பெற்றுள்ளன.
நேற்றுமுன்தினம்(27) இரவு 6 பேர் கொண்ட கும்பல் முகங்களை மறைத்தவாறு வீடுகளுக்குள் புகுந்து வீடுகளிலிருந்தவர்களைக் கத்திமுனையில் மிரட்டி அவர்களிடம் இருந்த தங்க ஆபரணங்களைக் கொள்ளையடித்துள்ளார்கள்.
கத்தி உள்ளிட்ட கூரிய ஆயுதங்களுடன் வீடு ஒன்றிற்குள் புகுந்த கொள்ளையர்கள் அங்கிருந்து 19 பவுண் தங்க ஆபரணங்களைக் கொள்ளையடித்துள்ளதுடன், கிராமத்தில் மற்றும் ஒரு இடத்தில் உள்ள வீட்டிற்குள் புகுந்த கொள்ளையர்கள் 7 பவுண் தங்க நகைகளைக் கொள்ளையடித்துள்ளனர். மற்றும் ஒரு பகுதியில் உள்ள வீட்டிற்குள் புகுந்த கொள்ளையர்கள் 5 பவுண் தங்க நகைகளைக் கொள்ளையடித்துள்ளார்கள்.
பாதிக்கப்பட்ட நபர்கள் தர்மபுரம் பொலிஸ் நிலையத்தில் முறைப்பாடு செய்துள்ளதுடன், இந்த கொள்ளைச் சம்பவத்துடன் ஆறுபேர் கொண்ட கொள்ளைக்கும்பல் ஈடுபட்டுள்ளதாகப் பாதிக்கப்பட்டவர்கள் தெரிவித்துள்ளார்கள்.
ஊரடங்கு பிறப்பிக்கப்பட்டுள்ள நிலையில் இவ்வாறான கொள்ளைச்சம்பவங்கள் கிராமத்தில் அச்சத்தினையும் பரபரப்பினையும் ஏற்படுத்தியுள்ளது.
No comments:
Post a Comment