வரும் ஜூன் 22ம் தேதி விஜய்யின் பிறந்தநாள் என்பதால் அதை கொண்டாட அவரது ரசிகர்கள் பிரம்மாண்ட ஏற்பாடுகளை செய்து வருகின்றனர்.
தற்போது அதன் ஒரு பகுதியாக இன்று விஜய் பிறந்தநாள் காமன் டிபி வெளிவந்தது. அது தற்போது தற்போது ட்விட்டரில் ட்ரெண்ட் ஆகி உள்ளது. மாஸ்டர் இயக்குனர் லோகேஷ் கனகராஜ், காஜல் அகர்வால், வரலக்ஷ்மி சரத்குமார், மோகன்ராஜா,சாந்தனு, ஹேமா ருக்மணி, அஜய் ஞானமுத்து உட்பட சினிமா துறையின் 20 பிரபலங்கள் இந்த காமன் டிபியை வெளியிட்டு உள்ளனர்.
#THALAPATHYBdayFestCDP மற்றும் #Master ஆகிய ஹாஸ் டேக்குகள் தற்போது தேசிய அளவில் ட்ரெண்ட் ஆகி வருகிறது. அவை இரண்டிலும் சுமார் ஒரு மில்லியனுக்கும் அதிகமான ட்விட்களை பதிவிட்டு விஜய் ரசிகர்கள் தெறிக்கவிட்டு வருகின்றனர்.
ஜூன் 22ம் தேதி விஜய்யின் பிறந்தநாள் அன்று மாஸ்டர் படத்தின் அப்டேட் வெளிவரும் என்று ரசிகர்கள் காத்திருக்கின்றனர். அது மட்டுமின்றி விஜய்யின் அடுத்த படமான தளபதி 65 படத்தின் அதிகாரபூர்வ அறிவிப்பு பிறந்தநாள் ஸ்பெஷலாக வெளியாகலாம் என்றும் எதிர்பார்க்கப் படுகிறது.
மாஸ்டர் பட ட்ரெய்லர் எப்போது வெளியிடுவீர்கள் என்று தான் இயக்குனர் லோகேஷ் கனகராஜிடம் ரசிகர்கள் கேட்டு வருகின்றனர். ஆனால் புதிய ரிலீஸ் தேதி முடிவான பிறகு தான் ட்ரெய்லர் வெளியிடப்படும் என அவர் பதில் கூறி இருந்தார் என்பது குறிப்பிடத்தக்கது.
புதிய ரிலீஸ் தேதிக்கு நான்கு அல்லது ஐந்து வாரங்களுக்கு முன்பு ட்ரெய்லர் வெளியிடப்படும் என அவர் கூறி இருப்பதால் விஜய் பிறந்தநாளுக்கு மாஸ்டர் ட்ரெய்லர் வெளியாக வாய்ப்பு இல்லை என்றே தெரிகிறது. மாஸ்டர் ஷூட்டிங் முழுமையாக முடிக்கப்பட்ட நிலையில், இறுதிக்கட்ட பணிகள் கொரோனா லாக் டவுன் காரணாமாக நிறுத்தப்பட்டு இருந்தது. சமீபத்தில் அரசு அனுமதி அளித்த பிறகு தான் மீதம் இருக்கும் போஸ்ட் ப்ரொடக்ஷன் பணிகளை செய்ய லோகேஷ் கனகராஜ் துவங்கினார் என்பது குறிப்பிடத்தக்கது.
No comments:
Post a Comment