தமிழ் சினிமாவில் முக்கியமான இயக்குநர்களில் ஒருவராக பார்க்கப்படுபவர் கௌதம் மேனன். இவரது இயக்கத்தில் கடந்த 2016ம் ஆண்டு தொடங்கப்பட்ட படம் எனை நோக்கி பாயும் தோட்டா. எப்போதும் கொஞ்சம் லோக்கலான அழுக்கு பையனாக, ரௌடியாக, எதிர் வீட்டுப்பையன் போன்ற கேரக்டர்களில் மட்டுமே நடித்து வந்த தனுஷ் இப்படத்தில் மாடர்ன்ரோலில் நடித்துள்ளார்.
இவருக்கு ஜோடியாக மேகா ஆகாஷ் நடித்துள்ளார். தர்புகா ஷிவா இப்படத்தில் முதல் முறையாக இசையமைப்பாளராக அறிமுகமாகியுள்ளார். இவரின் பாடல்கள் தான் இப்படத்தை இன்னும் உயிர்ப்புடன் வைத்துள்ளது எனலாம்.
கடந்த 2017 ஆம் ஆண்டே இப்படம் வெளியாகும் என்று எதிர்பார்க்கப்பட்டது. ஆனால், இயக்குநரின் பணப்பிரச்சனை காரணமாக இப்படத்தின் படப்பிடிப்பு நிறுத்தி வைக்கப்பட்டது. கௌதம் மேனன் விக்ரமுடன் துருவ நட்சத்திரம் படம் இயக்க இப்படம் முழுமையாக நின்று விட்டது. பின் பல மாதங்களுக்கு பிறகு எனை நோக்கி பாயும் தோட்டா திரைக்கு வரும் என பேசப்பட்டது. அப்படத்தின் டீஸர் ரிலீஸாகி ரசிகர்களிடம் ஆராவரா வரவேற்பை பெற்றது. ஆனால் மீண்டும் இப்படம் பணப்பிரச்சனைகளில் சிக்கியது. படத்தில் சில பணிகள் மிச்சம் இருந்த நிலையில் படம் டிராப் ஆனதாக தகவல் வந்தது.
இந்த நிலையில், கடந்த ஆண்டு இப்படத்தின் இறுதிகட்ட படப்பிடிப்பு மீண்டும் தொடங்கியது. இதனால், படம் தீபாவளிக்கு வரும் என்று அறிவிக்கப்பட, மீண்டும் பணப்பிரச்சனையில் சிக்கியது எனை நோக்கி பாயும் தோட்டா. அதன் பிறகு வெற்றிகரமாக அனைத்து பணிகளும் முடிக்கப்பட்டு படம் கடந்த ஜூலை 26ம் தேதி வெளியாகும் என்று அறிவிக்கப்பட்டது. ஆனால், அதிலிருந்து பின்வாங்கி தற்பொது வரும் செப்டம்பர் 6ம் தேதி வெளியாகும் என்று அறிவிக்கப்பட்டுள்ளது. இந்த நிலையில், தற்போது இப்படத்தின் இறுதி டிரைலர் வெளியாகி ரசிகர்களிடையே நல்ல வரவேற்பைப் பெற்றுள்ளது.
தற்போது செப்டம்பர் 6ம் தேதி வெளியிடலிலும் சிக்கல் எழுந்துள்ளதாக தகவல் வெளியாகியுள்ளது. இரண்டு வருடங்களாக நீடித்த இப்படத்தின் அனைத்து பிரச்சனைகளும் முடிக்கப்பட்டு ரிலீஸ் தேதியை அறிவித்த நிம்மதியில் இருந்தனர் படக்குழுவினர். ஆனால்சினிமா பைனான்சியர் ஒருவர் தற்போது நீதிமன்றத்திற்கு சென்றுள்ளார். இதனால் இப்படம் மீண்டும்ரிலீஸ் தேதி ஒத்தி வைக்கப்பட்டுள்ளதாக தகவல்கள் வெளியாகியுள்ளது. படக்குழு வேறு தேதியை மாற்றி அறிவிக்கும் என எதிர்பார்க்கப்படுகிறது.
Posting as
No comments:
Post a Comment