அரையிறுதிக்கான அம்பயர்கள் பட்டியலை வெளியிட்ட ஐசிசி,!

இங்கிலாந்தில் உலகக்கோப்பை கிரிக்கெட் தொடர் நடக்கிறது. லீக் போட்டிகள் முடிவில் ஆஸ்திரேலியா, இந்தியா, நியூசிலாந்து, இங்கிலாந்து அணிகள் அரையிறுதிக்கு முன்னேறின. இதில் இன்று நடக்கும் முதல் அரையிறுதி போட்டியில் இந்தியா- நியூசிலாந்து அணிகள் மோதுகின்றன. தொடர்ந்து 11ம் தேதி நடக்கவுள்ள இரண்டாவது அரையிறுதியில் ஆஸ்திரேலியா, இங்கிலாந்தை எதிர்கொள்கிறது. இந்நிலையில் இப்போட்டிகளுக்கான அம்பார்கள் பட்டியலை ஐசிசி., வெளியிட்டுள்ளது. அதில் இந்தியா, நியூசிலாந்து போட்டிகளுக்கு இங்கிலாந்தின் ரிச்சர்டு லிங்வொர்த், ரிச்சர்டு கெடில்போர்க் ஆகியோர் கள அம்பயர்களாகவும், ஆஸ்திரேலியாவின் ராட் டக்கர் மூன்றாவது அம்பயராகவும் இருப்பார் என தெரிவிக்கப்பட்டுள்ளது. 

இங்கிலாந்தின் நைஜல் லாங் நான்காவது அம்பயராக அறிவிக்கப்பட்டுள்ளார். இதே போல ஆஸ்திரேலியா, இங்கிலாந்து போட்டிகளுக்கு இலங்கையின் குமார் தர்மசேனா, தென் ஆப்ரிக்காவின் மராயஸ் எராஸ்மஸ் கள அம்பயர்களாகவும், நியூசிலாந்தின் கிறிஸ் காப்னே மூன்றாவது அம்பயராகவும். அறிவிக்கப்பட்டுள்ளனர், பாகிஸ்தானின் அலீம் தார் நான்காவது அம்பயராக செயல்படுவார் என தெரிவிக்கப்பட்டுள்ளது.